En BARAFUNDA non poñemos límites á túa imaxinación. Se tes algo na túa mente e queres que o transfomemos en globos dunha maneira espectacular, non dubides en contactarnos (enlace a contacto) e o faremos realidade.

Nunca verás nada igual!! Esta espectacular serpe está deseñada por BARAFUNDA para sorprender. Unha enorme figura construída con máis de cinco mil globos de látex 100% biodegradable que se desliza lentamente sobre a xente. O seu movemento hipnótico deixa ó público pampo o cal non deixará de mirar mentres pasa a interminable figura ante os seus ollos incrédulos.

Sete mergulladores traen dende o máis fondo dos océanos ata as vosas rúas, unha quenlla xigante de máis de 12m de longo. Unha oportunidade única para gozar deste animal mariño e contemplar dende moi cerca os seus dentes serrados e inocentes.

Con BARAFUNDA os seres abisais mariños saen de paseo. Neste caso tócalle ó polbo xigante do que falaba Carlos Casares no seu conto. Un enorme polbo que se despraza polas rúas, ante a atenta e abraiada mirada do público, cun movemento acompasado dos seus oito raxos creando un efecto fantástico por riba da xente.

Un elefante xigante de mais de 4m de alto, 3 de ancho e 8 de longo, acompañado por oito hindús que encherán as rúas de cor cos seus pos de cores. Unha animación de rúa, única, impactante e impresionantemente visual.

O arte das esculturas con globos levada a súa máxima expresión.