Este dragón medieval de máis de 15m de longo e 4m de alto, pasea polas rúas liderado por unha escudeira e un cabaleiro con armadura e escudo. O público quedará abraiado coa descomunal creación de globos. Cando pensen que xa o viron todo, o dragón cobrará vida botando fume pola boca facendo as ledicias de todos os presentes.

Este brontosauro viaxou nun bucle espazo temporal dende o Xurásico á túa cidade. Este espectacular dinosaurio é vexetariano polo que os viandantes non teñen nada que temer só gozar dun paseo entre dinosauros de tamaño real. Unha experiencia inesquecible.

Son moitas as persoas que soñan con ver esta especie na realidade. Esta é a oportunidade para gozar da maxia do alicorno. Acompañada por personaxes encantados que cos seus polvos máxicos de cores, fan un espectáculo moi vistoso e divertido.