Novo vídeo do espectáculo KeTKjas

Trala súa estrea o 5 de maio deste mesmo ano, aquí ensinámosvos o vídeo do noso espectáculo KeTKjas. 

Un novo show para toda a familia, en especial para os máis pequenos. Da unha volta de rosca ás rutinas máis cotiáns do baño. O aseo matutino pode converterse nunha auténtica odisea, se o fai o pallaso Pico. Dende unha perspectiva escatolóxica chea de humor e tenrura, a caca, o cu, o peido e o pis, cobran un novo significado.

¿Que vos parece?

Espectáculos no Colexio Nosa Señora de Lourdes (A Estrada)

O pasado día 24 estivemos no Colexio Nosa Señora de Lourdes (A Estrada) con dous espectáculos.

Para os máis pequenos, os alumnos de educación infantil, representamos o espectáculo “Pepiña Maruxiña quere voar“. 


Click aquí para ver máis fotos


Despois, para os alumnos de educación primaria levamos o espectáculo “Preséntame un pallaso“. 

Click aquí para ver máis fotos


O asombro, a alegría e a tenrura que transmiten estes espectáculos reflectiuse nas caras dos  alumnos e profes durante toda a xornada. 

Dende aquí queremos agradecer ó Colexio, e especialmente ó ANPA,  por contar con nós para facer dese día un día diferente e, sobre todo, moi especial. 

Anunciamos os nosos cursos!!!

A través do noso facebook fómosvolo adiantando e agora ímolo explicar con detalle.  

Barafunda, no noso compromiso coa formación e actualización de coñecementos, colabora co Centro de Formación Divino Maestro realizando cursos de formación continua para activos. 



Estes cursos poden ser bonificados pola Fundación Tripartita a través das cotas da Seguridade Social. Isto quere dicir, que poden saírche totalmente de balde

Que é a formación bonificada?? É a que as empresas poñen a disposición dos seus traballadores a custo cero, con cargo ás bonificacións á Seguridade Social. Todas as empresas contan cunha cota anual para a formación dos seus traballadores (crédito formativo) e se non se consume durante o ano, esa cantidade pérdese. Polo tanto, se traballas por conta allea, os nosos cursos podes facelos a custo cero para ti e para a túa empresa.

No caso de non estar traballando ou ter consumido o crédito formativo, tamén podes realizar os nosos cursos. Nese caso, asumindo o custo da formación.

Os cursos que actualmente temos dispoñibles son:
  • Esculturas con globos
  • Xogos sen xoguetes
  • Danzas e cancións de animacións
  • Decoración con globos
  • Maquillaxe e caracterización
  • Repostería creativa: cupcakes
  • Repostería creativa: galletas
  • Repostería creativa: tartas
  • Feltro
  • Teatro
  • Bolsos e moedeiros
  • Elaboración artesanal de velas
  • Elaboración artesanal de xabóns
  • Arxilas máxicas
  • Amigurimis artesanais
  • Esmalte en frío


E máis concretamente, o próximo curso que temos organizado é de REPOSTERÍA CREATIVA: CUPCAKES o SÁBADO 27 DE ABRIL, de 9:00h a 15:00h. 



Se precisas máis info deste ou doutro curso, podes poñerte en contacto co Xestor de Formación do Centro Divino Maestro: Diego – 654.517.450


E se non atopas o curso que buscas, rétanos a preparalo para ti 😉



A Charanga Barafunda no Entroido de Ourense

Como vos anunciabamos fai uns días a través do noso facebook, a Charanga Barafunda estivo animando o Entroido de Ourense  coa súa música. 

Foron tres días de actuacións polas rúas da vila, ademais de no palco da Praza Maior para a recepción das carrozas. Aquí podedes ver algunhas fotos da actuación da Charanga no palco:


Quedamos abraiados coa gran afluencia de xente que achegouse ata alí! A praza estaba repleta dun público entregado e con ganas de moita festa que bailaba ó son da Charanga. 


E tampouco nos podemos queixar da participación da xente mentres a charanga percorría as rúas!!  A medida que a charanga avanzaba íanse unindo máis e máis persoas que bailaban e acompañaban á charanga durante o seu percorrido. Aínda que case non se aprecia, no medio desta morea de xente estaba a Charanga:


Por último, queremos dar as grazas a Simón do “Sindicato del Cómic” por deixarnos o seu local á nosa disposición para cambiarnos e gardar o material. 


E por suposto, grazas tamén a todos aqueles que cos seus bailes, cánticos e ganas de pasalo ben fixeron coa Charanga Barafunda toda unha festa!

Vídeo “As aventuras de Lila e Lolo”

Xa temos novo video de As Aventuras de Lila e Lolo!!! Este foi gravado durante a Xira Interestelar 2012, concretamente na súa parada en A Cañiza. Nel, ademais de fragmentos do espectáculo, pódese ver ó noso presentador o Pallaso Pico.




A próxima cita con Lila e con Lolo é este domingo día 10, ás 17.30h. Estaremos no Centro Cultural de Monteporreiro (Pontevedra) cunha edición especial de “As aventuras de Lila e Lolo”. Dúas horas cheas de xogos, sorrisos e moooooooita diversión!!! Por suposto, aberto a todo o públido e de balde!!!




Polbo xigante

Como moitos sabedes, Barafunda presentamos o polbo xigante de globos na Cabalgata de Reis de Vigo.
Os seus 4´5 metros de altura e os raxos de 10 metros de lonxitude, fixeron deste polbo o ser mariño máis grande desta cabalgata. Para facelo realidade empregáronse máis de 3.000 globos movidos por 9 animadores caracterizados de mergulladores, que ó ritmo da Charanga Barafunda, transportaban o polbo e interactuaban co numeroso público.

Aquí un videoresumo  que o demostra:

Proxecto CONTA E CANTA

Hoxe queremos presentarvos o proxecto CONTA e CANTA. Foi levado a cabo en maio do ano pasado nos cines Yelmo.
Un total de 1.800 nen@s de colexios vigueses, acompañados polos seus mestr@s, acudiron repatirdos en seis días ós cines Yemo. Os alumn@s de infantil visionaban curtametraxes en galego, os de primaria longametraxes; ambas proxección trataban contos populares de distintas partes do mundo.

E despois…. todos a CANTAR e XOGAR con Barafunda!!! O galo pinto, o peixiño, a tenda de churros e moitas máis!! 

Aquí tendes o video que amosa un pequeno resumo!!!


PINVI 2013

Xa estamos de volta!! O ritmo de traballo do Nadal non nos permitiu pasar antes por aquí.
Vos preguntaredes que estivemos facendo para estar tan ocupados. Como sempre nos gusta dicir, unha imaxe vale máis que mil palabras. Así que vos presentamos o vídeo dun dos proxectos nos que estivemos traballando: O PINVI 2013.

Unha ludoteca ambientada nunha granxa e cinco obradoiros baixo a temática das profesións (pasteleiro, pintor, escultor, labrego e pescador) foron as nosas propostas para o Parque Infantil de Nadal de Vigo (PINVI)  no Auditorio Mar de Vigo.

Fostes moitos os que vos pasáchedes polas actividades, tantos que tivemos que mercar máis existencias!! Tamén moitos os que repetiades todos os días, os que nos dábades as vosas felicitacións, os que fixestes fermosos cadros , esculturas incríbles ou saborosas galletas Así que a todos vós GRACIAS por participar!! 

E se queres seguir ó tanto das nosas actividades lembra que podes atoparnos no noso facebook.


O quiquiriquí! 2012

Por segundo ano consecutivo voltamos con O QUIQUIRIQUÍ!

A concellería de Normalización Lingüística de Vigo xunto con Barafunda, presentamos a actividade “O quiquiriquí”.
Nace a partir dun DVD/CD  onde a Asociacion de Gaiteiros Galegos e mailos estudos Casa de Tolos asócianse para facer este documento audiovisual onde se reflexan os diferentes aspectos culturais, tradicionais e antropolóxicos do Nadal en Galicia.

A actividade está enfocada para o público infantil e familiar e nela proxectarase o dvd do “Quiquiriquí” onde a través de distintas persoaxes faise un percorrido polas principais tradicións destas datas: as panxoliñas, os aguinaldos, o tizón, as pedras do sal…

Despois, continuase coa animación a través de xogos e cancións, onde @s nen@s gozarán deixándose levar pola música.

Agardámovos os días:

  • sábado 22 de decembro ás 12:00h, na Biblioteca Central (Joaquín Yáñez, 6)
  • domingo 23 de decembro ás 12:30h, no Museo Verbum (Avda. de Samil, 17)
  • mércores 26 de decembro ás 12:00h, na Ludoteca de Bembrive.
  • domingo 30 de decembro ás 12:00h, no Centro Comercial Gran Vía con intérprete de lingua de signos.
É de balde, así que non hai escusa para non vir!!

Vémonos no Bee Market!!

Do 6 ó 9 de decembro participaremos no Bee market do Auditorio do Palacio de Congresos Mar de Vigo.
No noso posto poderedes coñecer de primeira man as actividades que realizamos, tanto dende a área de animación, coma da editorial e discográfica. Tamén poderedes adquirir os nosos libros “Antón e o Apalpador” e “A casa do rato Renato”, así coma os discos da banda de pop-rock fichada por Barafunda recors: Inerttes.
Exemplares de “Antón e o Apalpador” e “A casa do rato Renato”
Ademais, o vernes pola tarde representaremos o contacontos “Antón e o Apalpador” e o sábado Inerttes dará un concerto.

Inerttes

E toooooodo isto e máis por un prezo solidario: adultos 1kg de comida ou 1€ e os nenos/as de balde. O recadado irá destinado a comedores sociais da cidade. 
¿Quen se apunta?